Sunday, 14 June 2015
مسیحا
مسیحا بن کے ستم کرتے هیں عدو کی طرح
هم اپنی خو بهی بدل دیں گے تیری خو کی طرح
یہ کس مقام پہ احساس کی تپش پہنچی
هواے سرد مجهے لگ رہی ہے لُوکی طرح
وہ گهر جہاں پہ تیرے قہقہوں کی بارش تهی
وہاں سکوت برستا ہے آج ہُو کی طرح
وہ لوگ گردشِ ایام کو بدل دیں گے
رگوں میں وقت کی دوڑیں گے جو لہو کی طرح
هزار کوششیں کی تهیں مرے رفوگر نے
رفو نہ دامنِ دل ہو سکا رفو کی طرح
میری تلاش نہ اُس تک پہنچ سکی ورنہ
وہ اک وجود تو بکهرا تها رنگ و بوُ کی طرح
Subscribe to:
Post Comments (Atom)
No comments:
Post a Comment